Звярну ўвагу толькі на адзін аспект турыстычнай прэзентацыі гэтага ваенна-гістарычнага аб`екта. Гаворка пра якасць экскурсійнага абслугоўвання. Нажаль , трэба канстатаваць, праграма паказа і экскурсійнага апавядання неверагодна абмежаваная. Экскурсанты , якімі былі вучні адной з вясковых школ Гродзеншчыны, так і не даведаліся пра мэту пабудовы гэтай абарончай лініі ў 30-я гг, не зразумелі яны нічога пра яе ролю ў гады барацьбы з фашысцкімі войскамі. Пераважная колькасць часу заняла стаянне каля аб`ектаў паказу - дзвух умацаваных збудаванняў ( бо чакалі сваёй чаргі, каб патрапіць па ходніках унутар экспазіцыі). Але падчас гэтага, зразумелага, чакання экскурсаводы ані слова не казалі, гледзячы як дзеці з-за адсутнасці накіраванай увагі бадзяліся вакол, не ведаючы, чым заняцца. Тым часам навокал было дастаткова аб`ектаў для паказу і апавядання. Дзіўным аб`ектам экскурсіі сталі трыбуны , якя памятаюць Уга Чавэса... Затое, да сапраўднай ваеннай тэхнікі нам параялі рушыць самастойна. Маўляў, самі разбярэціся што і да чаго. Хаця, як раз там , на пляцоўцы з ваенна-паветранай тэхнікай можна была бы сапраўды яскрава давесці да ведама вучняў пра тыя ж подзвігі савецкіх вайскоўцаў ў тым жа Аўганістане ( калі ўжо сама Лінія мае дачыннне да гэтай арганізацыі аўганцаў) На тэхніку , якая агароджана залазіць не дазволілі. Пэўна мелі рацыю. Але на тую, што на ўзгорку, як металалом - калі ласка, хоць ногі зламайце. Увогуле, пры ўсёй пампезнасці і маштабе гэтага ваена-гістарычнага скансэна добрага, змястоўнага, цікавага апавядання пра сапраўднае змаганне з фашызмам у экскурсіі па няму няма. Напрыклад, малады чалавек - экскурсавод, стаіць і чартыхаецца, з таго, што дзеці задаюць "глупыя" пытанні пра тэхніку і нічога у ёй не разумеюць. Дык ты на тое і ёсць, каб распавесці, зацікаваць, знайсці найбольш прывабныя адметнасці яе выкарыстання, прывесці , выразныя прыклады. А не глядзець на гадзіннік, калі ўсё скончыцца. Працуй-мо! Уся надзея арганізатараў імпрэзы пэўна толькі на манікенаў, што стаяць у агнявых кропках, ды драўляныя пераходы, па якіх, дзеля атракцыі ганяюць экскурсантаў. Вельмі, вельмі слабенькі ўровень. І стрэлянінай халастымі кулямі за шалёныя грошы гэтага не схаваеш. Затое, які "звычайны сталінізм" віруе над гэтай лініяй! І справа зусім не ў назве - яна гістарычная. Ад помніка да сувеніраў з выяваю людажэра-дыктатара: на любы густ і любыя грошы! І гэта пасля "Архіпелага Гулаг", пасля Гросмана, пасля Быкава, Шаламава...Жах. Напраўду казалася: сон розуму нараджае пачвараў... Сумна. І ківаць на вялікі натоўп турыстаў дарэмна: у вялікіх музеях іх не менш, але планка экскурсійнай увагі і экскурсійнага зместу трымаецца высока. Тут яе проста няма.